Տարիներ շարունակ իրականացնելով երեխաների երազանքները՝ մենք հասկացանք, որ ամենամեծ և ամենաարժեքավոր ներդրումը երեխայի կյանքում կրթությունն է։ Երազանքների իրականացման ընթացքում մենք տեսանք, որ շատ երեխաների իրական ցանկությունը ոչ միայն ինչ-որ բան ունենալն է, այլ հնարավորություն ստանալը՝ սովորելու, զարգանալու և ապագա կառուցելու։
Այդ փորձն է մեզ բերել այն համոզմանը, որ իրական փոփոխությունը սկսվում է կրթությունից։
«Երազանք» կրթաբարեգործական հիմնադրամի կրթական ծրագրերը կառուցված են այնպես, որ յուրաքանչյուր աջակցություն վերածվի իրական արդյունքի։ Մենք չենք սահմանափակվում միայն երեխային դասընթացին միացնելով, այլ կառուցում ենք ամբողջական գործընթաց՝ սկսած ճիշտ երեխայի ընտրությունից մինչև նրա շարունակական զարգացումը։
Մենք մեծ ուշադրությամբ և պատասխանատվությամբ ենք մոտենում մեր շահառուների ընտրությանը։ Այս գործընթացը իրականացվում է սոցիալական աշխատողների և ուսուցիչների ներգրավմամբ, որպեսզի բացահայտվեն այն երեխաները, ովքեր ոչ միայն ունեն սոցիալական կարիք, այլ նաև ներուժ և մոտիվացիա զարգանալու։
Յուրաքանչյուր երեխայի հետ աշխատում ենք անհատապես։
Ուսումնասիրում ենք նրա հետաքրքրությունները և ունակությունները՝ ընտրելով այն ուղղությունը, որտեղ նա կարող է առավելագույնս բացահայտվել։
Դրանից հետո մենք՝
- գտնում ենք համապատասխան խմբակ կամ կրթական ծրագիր
- կապ ենք հաստատում մասնագետների և հաստատությունների ղեկավարների հետ
- ապահովում ենք երեխայի լիարժեք ներգրավվածությունը
Միաժամանակ մենք հոգում ենք երեխայի համար անհրաժեշտ բոլոր պայմանները՝
տրամադրելով մարզահագուստ, երաժշտական գործիքներ, գրքեր կամ այլ անհրաժեշտ նյութեր, որպեսզի ոչինչ չխանգարի նրա զարգացմանը։
Սակայն մեր աշխատանքը չի ավարտվում այստեղ։
Մենք իրականացնում ենք շարունակական ուղեկցում՝ ամեն ամիս հետևելով երեխայի առաջընթացին, հաճախելիությանը և ձեռքբերումներին։ Սա մեզ թույլ է տալիս ապահովել, որ աջակցությունը դառնա ոչ թե մեկանգամյա օգնություն, այլ իրական և չափելի փոփոխություն երեխայի կյանքում։
Այս մոտեցման շնորհիվ ձեր աջակցությունը չի մնում միայն բարի քայլ։ Այն վերածվում է ներդրման՝ երեխայի ապագայի մեջ։
Մենք հավատում ենք, որ կրթված երեխան Հայաստանի ապագայի ամենակարևոր հիմքն է։
Աջակցելու հնարավորություն
Այս ծրագրի յուրաքանչյուր փուլում հնարավոր է դառնում ձեր շնորհիվ։
Դուք կարող եք՝
- աջակցել մեկ երեխայի կրթությանը՝ տալով նրան իրական զարգացման հնարավորություն
- կամ ներդրում կատարել ընդհանուր կրթական ծրագրում՝ օգնելով բազմաթիվ երեխաների գտնել իրենց ուղին
Յուրաքանչյուր աջակցություն այստեղ նշանակում է ոչ միայն օգնություն այսօր, այլ նաև հնարավորություն վաղվա համար։
Ընտրեք աջակցել և դարձեք այն մարդը, ով օգնում է երեխային ոչ միայն երազել, այլ նաև իրականություն դարձնել իր ապագան։
